Ketika Diskon Menyapa

Diskon Promo

     DISKON, mungkin kalo kite denger kate  itu, kayaknye… semuanye  pada seneng sama yang satu ini, secara gitu, siape sih di jaman yang serba mahal ini yang kagak mau diskon, apalagi para cewe yang suka belanje, maen embat sana sini, ambil sana sini apalagi kalo lagi diskon. Tuh kayaknya hobi banget buat para kaum hawa ngeborong barang.  Terang aje sih aye cowo juga, kalo denger kata diskon ngiler juga sih, apalagi kalo diskonnya gede banget ampe 70%-80%, waaahhh udah tuh mata berubah jadi haus akan barang diskon… ahahah :D. Kalo ada diskon tuh roman romanye pasti seneng mulu apalagi abis gajian trus langsung dibelanjain buat barang-barang diskon, wah sepertinya syurga banget dah. Kalo lagi ngeburu barang diskon ama orang lain, biasanye sih suka timbul kepuasan sendiri kalo tu barang yang bagus keduluan ama kita dibelinya  daripada orang lain. Iye kan…? Hayo siape yang hobi belanje? Ngaku… :D

     Tapi inget juga, kalo ngomongin diskon jangan pake nafsu buat beli ini itu, harus di kontrol juga kale. Nah kadang orang suka kerasukan tiba tiba kalo udah ngeliat diskon yang gede banget, trus langsung kalap mau beli ini itu, seolah semua barang mau dibelinye. Padahal kan kite mesti selektif buat barang yang mau kite beli, harus milih-milih mana barang yang diperluin sama barang yang kita mau (dipengenin) doang. Kan rugi banget kalo kite beli sesuatu tapi gak manfaat buat kitenye yang beli. Nah kan makanye kite juga mesti sadar akan kebutuhan kite. Nah biar bisa beli barang yang kite perluin bukan yang kite pengenin, baiknye sebelum kite berangkat buat belanje, kite catet dulu tuh ape aje yang mesti dibeli berdasarkan tingkat keperluan, bukan kemauan (kepengen). Mesti tegas juga tuh bikinnye biar kite pas belanje kagak neko-neko, cuma beli ape yang dicatet tadi dirumah aje.

     Trus selain selektif, kita juga harus teliti sebelum beli tu barang. Nah biasanye kalo barang diskon gitu, suka ade yang cacat dikit, makanye biar kagak rugi teliti dulu tuh barang, jangan ampe kite nyesel pas udah beli barang. Soalnye kalo udah beli tu barang yang cacat kan malah jadi nyesek, kagak bisa dituker kan? “teliti dulu sebelum membeli” insyallah beli barang diskonnye jadi lebih puas kalo diteliti dulu :D. Trus pastinye kite juga mesti bawa duit tunai. Jangan manjain diri kite, buat beli barang pake kartu kredit yang tinggal gesek. Entar yang ribet malah ujungnye mesti bayar tagihan yang gede banget. Nah sebenernye bawa duit tunai itu sebagai kontrol juga buat kite, kalo tu duit udah abis di dompet, berarti abis juga jatah kite buat belanja barang diskon, terus jangan ngoyo, beli pake kartu kredit ye,,, inget!

     Nah kan kalo udah direncanain gini kan jadi enak, beli barang sesuai kebutuhan, dan trus uang lebih dari belanje nye bisa kite manfaatin ke hal yang lain. Emang seneng sih belanja, nyenengin, have fun, ngabisin duit, tapi inget juga kite juga mesti hemat dalam artian bisa ngontrol diri buat kagak beli barang yang kagak kite butuhin. Nah akhir kate segini aje yang aye mau sampein semoga bermanfaat ye artikel ni…kalo ada saran sok aje tulis, saran yang membangun,… :D